Ka përfunduar numërimi i votave edhe në qarkun e Tiranës. Në këtë qark Partia Socialiste kryeson duke siguruar 18 mandate, ndërsa Partia Demokratike ka marrë 15 mandate. Ndërkohë që LSI ka arritur që të marrë 2 mandate, dhe PSD, 1 mandat.
E përkthyer në vota PS ka marrë 226,842 vota, ose 48.67%. Ndërsa PD-AN ka marrë 182,335 vota, ose 39.12% . LSI-ja ka marrë vota 27,945 ose 6.00%. PSD ka marrë 13,273 vota ose 2.85%.
Nga numërimi i votave ka rezultuar se në total në të gjithë vendin Partia Socialiste ka siguruar 74 mandate, PD 59, LSI 4 dhe PSD 3 mandate./Opinion.al
