Një mjek i cili u përball me akuzat për përdhunim, është lënë i lirë. Shafeeq Sheikh, 46 vjeç, ka sulmuar seksualisht një grua kur ajo ishte shtruar në spitalin Ben Taub, në Hjuston, Teksas. Gruaja ishte shtruar në spital për një krizë azme në vitin 2013, kur ndodhi dhe incidenti.
Gruaja raportoi se mjeku u fut në dhomën e saj tre herë, duke e përdhunuar atë në herën e tretë. Ajo tha se Sheikh kishte ardhur në dhomë me justifikimin që duhet t’i ekzaminonte gjoksin, por në fakt gruaja nuk ishte pacientja e tij. Viktima tha në gjyq që gjithë kohës ka qenë nën efektin e ilaçeve,e për këtë arsye ishte e pafuqishme për të folur apo reaguar.
Ajo kishte tentuar një herë të shtypte butonin e urgjencës, por askush nuk erdhi. Më vonë u zbulua që butoni ishte ç’aktivizuar.
Iu desh hetuesve dy vite për ta kapur 46 vjeçarin. Ai u pa në kamera duke përdorur kartën e tij për të shkuar në katin e viktimës 12 herë atë natë. Pas ngjarjes mjeku filloi një punë tjetër, deri në momentin e arrestimi nga policia.
Në mbrojtjen e tij, Shafeeq Sheikh tha se kishte bërë seks me pacienten, por ajo ishte e vetëdijshme dhe dëshironte vetë. Ai tha se gruaja vetë ia kishte marrë duart dhe i kishte vendosur mbi gjoksin e saj, e më pas i kishte prekur gjenitalet.
Megjithatë mjeku u la i lirë duke paguar vetëm një gjobë prej 10,000 dollarësh dhe u regjistrua si sulmues seksual, edhe pse në vitin 2015 atij ju hoq licenca nga spitali, sepse ishte ende i rrezikshëm./Opinion.al
