Kronikë

Peqin/ Arrestohet 51-vjeçari, goditi për vdekje me gurë bashkëfshatarin


Bëhu pjesë e Grupit Zyrtar të Opinion.al
>> KËTU <<
               Publikuar në : 08:05 - 11/09/20 |
Opi Nion

Një ngjarje është regjistruar mbrëmë në fshatin Lolaj të Peqinit. Një person ka humbur jetën pasi është qëlluar gurë gjatë një konflikti të çastit me një 51 vjeçar.

Viktima është identifikuar si Shyqyri Hema, 64 vjeç, banues në fshatin Lolaj, Peqin. Hema u transportua në spitalin e Elbasanit, por nuk ka mundur të mbijetojë.

Ndërkohë, policia ka arrestuar autorin e ngjarjes Sefedin Çelmeta, mbi të cilin rëndon akuza  “Vrasje me dashje”.

Njoftimi i policisë:

Peqin-Specialistët për Hetimin e Krimit në Komisariatin e Policisë Peqin, arrestuan në flagrancë shtetasin:

S.Ç., 51 vjeç, banues në fshatin Lolaj, Peqin.

Arrestimi i tij u bë pasi më datë 10.09.2020, rreth orës 23:30 , në fshatin Lolaj, Peqin, gjatë një konflikti të çastit për motive të dobëta shtetasi S.Ç ka goditur me mjet të fortë ( gurë), shtetasin Sh.H., 64 vjeç, banues në fshatin Lolaj, Peqin, i cili  si pasojë e plagëve të marra  ka ndërruar jetë sapo ka mbërritur në Spitalin Rajonal të Elbasanit.

Materialet hetimore i kaluan Prokurorisë pranë Gjykatës së Shkallës Parë Elbasan,  për veprën penale,  “Vrasje me dashje”./ Opinion.al

Pas