Pentagoni nxjerr sekretin: Kemi program të veçantë për UFO-t, kanë vizituar tokën

Për herë të parë, Pentagoni ka pranuar ekzistencën e një programi të paklasifikuar me qëllim hetimin e ekzistencës së UFO-ve.

Programi që në fakt kishte nisur në vitin 2007-n ishte ndërprerë në vitin 2012, sikurse kanë bërë me dije zyrtarë të departamentit të mbrojtjes, por zëra brenda Pentagonit këmbëgulin se ai vazhdon të ekzistojë, pavarësisht ndërprerjes së fondeve.

“Neë York Times” pretendon se programi kishte hetuar raportimet për objekte të paidentifikuara fluturuese. Bëhet me dije se “programi fantazmë” drejtohej nga një zyrtar i inteligjencës ushtarake, Luis Elizondo.

Fillimisht u financua me kërkesë të Harry Reid, demokrati i Nevadas që në atë kohë kryesonte shumicën në Senat e që njihej për interesin e tij ndaj fenomeneve hapësinore.

Shumica e parave shkuan për një kompani aerohapësinore e drejtuar nga sipërmarrësi miliarder dhe miku i Reid, Robert Bigeloëw, i cili aktualisht po bashkëpunon me NASA-n.

Gjatë pjesëmarrjes në një program të CB në muajin maj, Bigelow tha se ishte absolutisht i bindur se alienët ekzistonin dhe se e kishin vizituar tokën, megjithatë deri tani kjo mbetet e pafaktuar.