Kryetarja e Dhomës së Përfaqësuesve të Shteteve të Bashkuara, Nancy Pelosi, këtë të dielë shprehu mbështetjen e saj për Armeninë pas sulmeve nga Azerbajxhani.
Në një konferencë për shtyp, Pelosi dënoi fuqishëm sulmet nga Azerbajxhani, të cilat i cilësoi si të paligjshme dhe vdekjeprurëse dhe shtoi se dhuna kërcënon perspektivat për një marrëveshje paqeje të nevojshme.
Ajo tha se SHBA po e vëzhgon situatën nga afër dhe vazhdon të mbështesë një zgjidhje të negociuar.
Nga ana tjetër, Ministria e Punëve të Jashtme e Azerbajxhanit e quajti deklaratën e Pelosit të paargumentuar e të padrejtë, si dhe një goditje serioze ndaj përpjekjeve për paqe.
Zyra e Pelosit njoftoi se ajo do të drejtonte një delegacion të Kongresit në Armeni të shtunën në një përpjekje për të nënvizuar angazhimin e SHBA për sigurinë, qeverisjen demokratike dhe prosperitetin ekonomik të Armenisë.
Luftimet midis Armenisë dhe Azerbajxhanit shpërthyen këtë javë si pjesë e një përplasjeje prej dekadash mbi rajonin e Nagorno-Karabakut. Sulmi shënon përshkallëzimin më të madh të konfliktit që nga viti 2020, kur të dy kombet u angazhuan në një luftë mbi territorin që la mijëra të vdekur. Secili vend fajëson tjetrin për konfliktin e ripërtërirë dhe një armëpushim hyri në fuqi të mërkurën./Opinion.al
