Partia Demokratike ka deklaruar se më 4 gusht në orën 19:00 do të zhvillojë protestë para ministrisë së Brendshme.
Protesta vjen pas ngjarjes së rëndë në Himarë ku një skaf me drejtues një punonjës policie, përplasi për vdekje një vajzë 7 vjeçe.
Edhe pse ishte vet PD që njoftoi protestën me sloganin “Nuk e vrau varka por e vrau shteti”, Berisha e konsideron si protestë të qytetarëve, teksa shpreh mbështetjen e tij.
Pritet që protestës t’i bashkohen parti të tjera opozitare, të cilat duke marrë shkas nga ngjarja e rëndë, protestojnë kundër qeverisë “Rama”.
“Nesër në ora 19:00 protestë qytetare për vogëlushen Jonada me moton: Nuk e vrau varka por e vrau shteti! Mbështetje të plotë protestës qytetare. sb”,-shprehet Berisha./ Opinion.al
