Partia Demokratike ka përmbyllur fushatën elektorale për zgjedhjet parlamentare të 25 prillit.
Aktiviteti u hap me himnin kombëtar, ndërsa më pas fjalën e mori kryedemokrati Lulzim Basha.
Kreu i demokratëve iu kërkoi votë qytetarëve duke thënë se PD është e vetmja forë që mund të anëtarësoj Shqipërinë në BE, teksa theksoi se në 8 vite qeveria “Rama” shkatërroi ekonominë e vendit.
Basha ftoi dhe socialistët që të dielën të votojnë PD, duke thënë se do i jap fund përçarjes së Shqiptarëve.
“Për ta çuar Shqipërinë përpara në gjirin e Europës, aty do të jetë, aty ku e do rinia shqiptare. Ne jemi këtu me një zotim, me një vullnet, ndryshim, ndryshim, ndryshim për Shqipërinë. Një dimër tetë vjeçar ka edhe dy ditë për ta mbyllur, Tirana kjo vulë kryeqytetase e ndryshimit do i prijë ditën e diel pjesëmarrjes masive që në orët e para të mëngjesit, do i prijë me votë fitores më të thellë të Shqipërisë dhe shqiptarëve. Të dielën me votën tuaj do ta rimerrni Tiranën dhe Shqipërinë dhe fatin tuaj në duart tuaja. Bashkë për ndryshim, ne do i japim fund njëherë e mirë, arenës së shëmtuar, ku shumica e shqiptarëve, e varfëruar, poshtëruar dhe pa punë, një pakicë varfëron cdo familje. Do i japim fund një arene të konfliktit dhe përçarjes që i shërben vetëm atij që për 8 vite nuk bëri asgjë vetëm sa u pasurua dhe grumbulloi shumë pushtet. Në këtë shesh ushtojnë zërat e demokratëve, flamurtarëve të ndryshimit. Nga ky shesh, shtëpitë dhe kudo që ndodheni, u them mirë se vini në bashkimin më të madh të cdo shqiptari dhe shqiptareje, pa dallime politike. Dita e diel është dita e çlirimit për të gjithë ju. Ejani edhe ju nëpunës, mësues, mjekë, punonjës policie, që iu kam takuar dhe më keni thënë, me fjalë, sy dhe gjeste “na ka ardhur në majë të hundës”, të dielën shkoni dhe largojeni me votë të keqen” tha Basha
