Përfaqësuesit e partive politike të tryezës për Reformën Zgjedhore po zhvillojnë sot një takim me përfaqësues diplomatikë të vendeve të BE, Britanisë së Madhe, Zvicrës, SHBA , OSBE dhe ODIHR, të cilët marrin opinionet e palëve të përfshira në reformën zgjedhore.
Përfaqësuesi i PD dhe i opozitës për reformën zgjedhore, Oerd Bylykbashi mësohet se u ka thënë ambasadorëve se Edi Rama është pengesa kryesore për zgjedhje me standarde demokratike.
“Zgjedhjet kane arritur nivelet me te ulëta ne raport me standardet e OSBE. Nëse ne 2009 zgjedhjet arritën shumicën dërrmuese te standardeve te OSBE, nga 2015-2019 raportet e ODIHR kane si shqetësim prioritar shkeljen e standardeve baze: lirisë dhe sekretit te votës, shitblerjen e votës, lirinë nga frika e ndëshkimit, ndarjen e shtetit nga partitë dhe fushën e barabarte te lojës.
Produkt i këtyre standardeve te dhunuara është parlamenti i dale nga votat e blera dhe te dhunuara ne 2017 dhe pushteti vendor i emëruar nga Kryeministri ne te gjitha bashkitë, emërim i ratifikuar me votim monist.
Legjitimi i parlamentit dhe pushtetit vendor, dy mbajtësve te përfaqësimit demokratik me vote, nuk është thjesht i minuar, ai thjesht nuk ekziston.
Parimet qe kane dështuar ne zgjedhje janë parime kushtetuese. Dhunimi i tyre masiv, ne çdo vend normal do te çonte ne anulim te zgjedhjeve nga gjykata kushtetuese dhe sistemi gjyqësor. Por ne Shqipëri asnjë gjykate nuk ekziston apo nuk është e lire nga presioni. Këtë e thotë ODIHR. Rënia e kësaj garancia nuk është vetëm rënie e shtetit te se drejtës por e demokracisë përmes zgjedhjeve”, u shpreh Bylykbashi. /Opinion.al
