Politikë

PD: Negociatat për presidentin, show i Ramës


Bëhu pjesë e Grupit Zyrtar të Opinion.al
>> KËTU <<
               Publikuar në : 16:03 - 10/04/22 |
Opi Nion

Pavarësisht se në cilin grupim janë rreshtuar brenda Partisë Demokratike, njëzëri  i cilësojnë showdeklaratat e Kryeministrit Rama lidhur me negociatat që mazhoranca pritet të nisë për emrin e ri të kreut  të shtetit.

“Deklaratat e PS-së  se ke njohin si parti zyrtare është shaka e kohëve moderne se e dinë që vendimi gjykatës nuk duhet komentuar. Është një lojë e madhe e PS për të ngjallur pjesën e konfliktualitetit”, u shpreh Luçiano Boçi.

“Nuk na i cakton dot PS negociatorët. Une shoh që Rama bën show për të uzurpuar edhe këtë institucion”, tha Ervin Salianji.

E drejta për nisjen e konsultimeve thonë se nuk i takon kreut të grupit parlamentar Alibeaj, por duhet të kalojë më parë nga forumet drejtuese të Partisë Demokratike.

“Askush nuk ka të drejtë pavarësisht pozicionit që ka të kryeje negociata në emër të grupit parlamentar”, u shpreh Boçi.

“Janë vendimmarrje që i takojnë grupit dhe grupi e shpreh me votë”, tha Salianji.

Ndryshe nga Luçiano Boçi që nisjen e bisedimeve e kushtëzon me të drejtën e propozimit për emrin e ri të Presidentit nga radhët e opozitës, deputeti  Salianji sugjeron uljen pa më të voglin kompleks të demokratëve në tavolinën e negociatave me socialistët.

“Asgjë s’e gjen PD nga ulja në tavolinë dhe çdo vendimmarrje në PD duhet të jetë jo me një pazar e për emra të pervecëm, por sa përfiton populli”, tha Salianji.

“Një kandidat i propozuar nga Rama është i refuzuar nga PD”, tha Boçi.

Kryeministri Rama e ka bërë të qartë se negociata do të ketë vetëm me grupet parlamentare, duke përjashtuar kategorikisht ish-Kryeministrin Sali Berisha./ Tv Klan

Pas