Aktualitet

PD me dy kërkesa në Kushtetuese për mandatin e Xhaçkës.Berisha me 28 firma, Alibeaj me 14



Bëhu pjesë e Grupit Zyrtar të Opinion.al
>> KËTU <<
               Publikuar në : 12:40 - 18/11/22 |
Opi Nion

Partia Demokratike ka dorëzuar në Gjykatën Kushtetuese dy kërkesa për konstatimin e papajtueshmërisë me Kushtetutën të mandatit të deputetes Olta Xhaçka. Njëra kërkesë është dorëzuar nga mbështetësit e kreut të PD-së Sali Berisha dhe tjetra nga mbështetësit e Enkelejd Alibeaj.

Fillimisht ka qenë deputeti i PD-së, Agron Shehaj, i cili në emër të deputetëve mbështetës të Sali Berishës njoftoi se ka dorëzuar në Kushtetuese kërkesën në lidhje me mandatin e Olta Xhaçkës që mbante firmat e 28 deputetëve.

Në një deklaratë për mediat, Shehaj e cilësoi një akt të rëndë votimin e djeshëm në parlament, ndërsa akuzoi socialistët se kanë shfrytëzuar pushtetin për te vjedhur dhe për tu pasuruar ne mënyrë te paligjshme dhe me pas kane përdorur kartonat e Parlamentit si mburoje për korrupsionin e tyre.

Depuetët nga radhët e Berishës që kanë firmosur për kërkesën për lënien e mandatit të Xhaçkës janë: Agron Shehaj, Oerd Bylykbashi, Edmond Spaho, Elda Hoti, Xhelal Mziu, Belind Kelliçi, Albana Vokshi, Edi Paloka, Luciano Boçi, Sali Berisha, Luan Baçi, Lindita Metaliaj, Isuf Cela, Kasem Mahmutaj, Gerta Bardeli, Flamur Noka, Bledjon Nallbati, Ina Zhupa, Tritan Shehu, Ervin Salianji, Kreshnik Çollaku, Petrit Vasili, Erisa Xhixho, Dashamir Shehi, Monika Kryemadhi, Emilja Koliqi dhe Ramadan Lika.

Po ashtu edhe deputeti Gazment Bardhi, në një deklaratë nga Kryesia e Kuvendit bëri me dije se mbështetësit e Enkelejd Alibeajt kanë dorëzuar në Gjykatën Kushtetuese kërkesën për heqjen e mandatit të deputetes Olta Xhaçka.

Në letrën e bërë publike bëhet me dije se vetëm 14 deputetë e kanë firmosur kërkesën. Ata janë: Gazment Bardhi, Merita Bakiu, Lefter Geshtenja, Zheni Gjergji, Ferdinand Xhaferraj, Arbi Agalliu, Orjola Pampuri, Jorida Tabaku, Saimir Korreshi, Flamur Hoxha, Emilja Koliqi, Ilda Dhori, Dashnor Sula dhe Seladin Jakupllari.

Pas