Politikë

PD akuza Veliajt për rrugën “Xhon Belushi”,Gjylameti: Do të ndëshkoheni me votë më 14 maj



Bëhu pjesë e Grupit Zyrtar të Opinion.al
>> KËTU <<
               Publikuar në : 21:19 - 08/01/23 |
Opi Nion

Ditën e sotme PD deklaroi se do të depozitojë një padi kundër kryebashkiakut të Tiranës Erion Velia, duke e akuzuar atë për vjedhje dhe krim elektorale për punimet e rrugës “Xhon Belushi”.

Lidhur me këto deklarata ka reaguar deputetja e PS, Blerina Gjylameti nëpërmjet një postimi në rrjetet sociale. Deputetja socialiste thotë se PD tenton të bllokojë punën e Bashkisë së Tiranës për këtë rrugë, siç ka bërë sipas saj, edhe me projekte të tjera në kryeqytet.

Sipas Gjylametit, pikërisht politika e PD për të bllokuar projektet është dhe arsye pse qytetarët e njësisë 4 nuk i votojnë.

Deputetja shprehet e bindur se PD do të ndëshkohet me votë nga qytetarët dhe në zgjedhjet lokale të 14 majit.

“Bllokuesi i Unazës te Astiri, bllokuesja e shkollës “Jeronim De Rada” dhe bllokuesi me pistoletë i këndit të lodrave te Liqeni – tre figurinat e PD që levizën si ushtarë sulmi nga Saliu – u përpoqën sot të bllokojnë punimet për asfaltimin e rr. “Xhon Belushi”, një rrugë kaq shumë e kërkuar nga komuniteti i Njësisë 4. Në vend t’u thonë “Ju lumshin krahët” punëtorëve, vijnë vetëm për të bllokuar, sabotuar e penguar. Këtë e kanë në gjak! Ja pse Njësia 4 nuk i voton më bllokuesit, por punën, bashkimin e progresin. E patën Tiranën 4 vjet dhe treguan se puna e vetme që dinin të bënin ishte gjumi. Qytetarët e Tiranës dhe të gjithë Shqipërisë do të dinë ta ndëshkojnë këtë politikë përçarese në 14 maj, do t’i thonë jo gjuhës së urrejtjes dhe sabotimit”,-shkruan në “Facebook”  Gjylameti./Opinion.al

Pas