Kryetari i PD Lulzim Basha, ka folur në lidhje me krijimin e partisë më të re në arenën politike shqiptare, Bindja Demokratike, ku një ndër koordinatorët është ish-deputeti i PD, Astrit Patozi.
Basha tha se krijimi i saj ka për qëllim që të krijojë një fasadë për zgjedhjet lokale.
Kryedemokrati tha për “të larguarit” se përdorën atë thjesht për dobinë e karriges dhe më pas e braktisën duke i kthyer edhe shpinën.
“Askush nuk është vrarë, por shumë prej tyre kanë marrë kontributin që dhanë në parti. E donin PD për pushtet, pastaj i kthyen shpinën. PD është bindje, ideal, është vlerë. Konkluzionet i nxirrni vetë. Kjo parti, e cila është krijuar për pjesëmarrje në zgjedhje për opozitë fasadë dhe zgjedhje fasadë. Padyshim që vendi ka nevojë për një reformë të thellë”,-tha ai./ Opinion.al E.Xh.
