Historia e Bukuries është mjaft e veçantë. Pasi nëna e saj ka humbur jetën rreth një vit më parë për shkak të një sëmundje ajo është përpjekur të gjejë dikë për babain e saj.
Para pak muajsh fati deshi që ai të njihej me zonjën Mimoza, me të cilën u duk se u pëlqyen. Mirëpo në çastin që ata kishin vendosur të lidheshin në martesë Mimoza tërhiqet nga nga fejesë pa dhënë shpjegime, duke lënë shumë të habitur edhe Bukurien.
Ishte pikërisht ajo që u bë shkak që babai i saj dhe Mimoza të njiheshin si dhe që Mimoza i kishte hyrë shumë në zemër, ndonëse kishin folur vetëm në Facebook. Për këtë arsye Bukuria ka ardhur tek “Ka një mesazh për ty” për të folur me Mimozën, ndërkohë në një kënd tjetër të studios ishte dhe Bashkimi babai i saj i cili po i dëgjonte të gjitha.
“Erdhi babai në Kosovë dhe shkoi në Shqipëri, ata pritën Vitin e Ri bashkë, ndenjën bashkë në shtëpinë e saj. Ajo ishte e gëzuar, u emocionua shumë, ishte përgatitur për të ikur në Gjermani, shkëmbyen edhe unazat. Papritmas ajo bëri valixhen gati për të shkuar në Kosovë e më pas në Gjermani. Të gjithë e morën vesh që ata do martoheshin. Unë u mërzita, sepse Mimoza papritmas tha nuk dua. Babi u shqetësua shumë, nuk e di se çfarë e pengoi Mimozën që mos të vinte, por ai u nis i vetëm për në Kosovë dhe gjithçka u prish. Ajo nuk donte dhe nuk dha asnjë arsye. Erdhi prapë në Peqin me xhaxhain, një mik dhe tezen, por Mimoza nuk ishte në shtëpi. Unë i shkruajta dhe i kërkova një arsye se pse ndryshoi mendim dhe më tha se nuk më lë vëllai. Je e madhe dhe nuk do të martohesh,”-u shpreh Bukurija.
Pasi Mimoza erdhi në studio dhe pa vajzën u shpreh se kishte shumë respect për të dhe se I vinte turp që e kishte prerë në besë. E pyetur nga moderator Ardit Gjebrea se çfarë kishte ndodhur që ajo u tërhoq, Mimoza u shpreh: “Unë nuk mund të flas dot këtu. Për Bukurinë mund të bëj gjithçka, por unë nuk mund të merrem me babain e Bukurisë, sepse xhelozia po vret njerëz. Rasti i parë që e pyeta për huqet, ai më tha celular, Facebook nuk ka, unë bleva telefon për t’u lidhur me këtë edhe veç kaloj darkën, nuk di as ta përdor. Sytë majtas, djathtas nuk ke për t’i hedhur, për momentin jam shumë e pakënaqur. Rrinte i largët edhe kur erdhi, ishte i urtë, i qetë, neutral, nuk dolëm të shoqëroheshim. Xhelozia nuk më pëlqen. Njeriu duket. Unë nga kjo kam turp ta shikoj në sy, sepse e doja si motër edhe tani do t’i flas. Kjo më ka qëndruar shumë afër, unë e respektova dhe mendova që do iki një ditë direkt tek Bukuria, do t’ja bëja surprizë. Tani nuk jap dot fjalën, e kam shumë të vështirë. Po për këtë që ka ardhur deri këtu, mund të bëj ndonjë gjë. Unë e dua me shpirt,”-ka përfunduar ajo.
Në fund Mimoza theksoi se nuk kishte ndërmend të kthehej më tek Bashkimi, por u shpreh se ishte e gatshme të dilte me Bukurijen dhe se e donte shumë./Xh.K/Opinion.al/
