Sport

Pas Tiranës, Gjykata pezullon garën e FSHF në gjithë vendin



Bëhu pjesë e Grupit Zyrtar të Opinion.al
>> KËTU <<
               Publikuar në : 15:23 - 17/02/22 |
Opi Nion

Pas Tiranës, Gjykata ka pezulluar garën e FSHF në gjithë vendin.

Gjykata e Tiranës, ka bllokuar garën në FSHF dhe ka sqaruar se FSHF nuk mund të bëjë zgjedhje në 2 mars pa u shqyrtuar paditë për manipulim që kanë ardhur lidhur me zgjedhjet në Shoqatat rajonale.

Sipas news 24. përmes këtij vendimi, Gjykata e Tiranës ka pezulluar mandatet e FSHF-së deri në gjykimin e dosjes.

Gjithashtu, Gjykata ka vendosur që Duka, Shulku e Kokëdhima të pezullohen deri në marrjen e vendimit përfundimtar për të gjitha shkeljet për të cilat ata akuzohen.

Në vendimin e Gjykatës së Tiranës thuhet se është pezulluar edhe Komiteti Ekzekutiv i FSHF për zgjedhjet e 2 Marsit si dhe gjithë Komisionin e Verifikimeve në FSHF për zgjedhje,  të cilët janë njerëzit e besuar të Armand Dukës.

Në këtë mënyrë, zgjedhjet për FSHF të planifikuara për në 2 mars do të shtyhen, deri sa të mbarojë fillimisht gjykimi i shkeljeve.

Kujtojmë se më herët Gjykata e Tiranës vendosi të mos pranojë zgjedhjet e organizuara nga Federata Shqiptare e Futbollit për Shoqatën Rajonale të Tiranës.

 

Pas