Tensionet ushtarake në kufi mes Kinës dhe Indisë kanë nxitur reagimin e ashpër të opinionit publik në kryeqytetin indian.
Në Neë Dehli është krijuar një klimë anti-kineze e theksuar që pas përplasjes së kufi ku humbën jetën të paktën 20 ushatrë indianë.
Për pasojë qeveria indiane ka vendosur të ndërmarrë masa ndaj produkteve kineze ku ajo që bie më shumë në sy është mbyllja e aplikacionit TikTok
Bëhet fjalë në total për 59 aplikacione, që sipas Indisë “cenojnë sigurinë kombëtare”. Autoritetet akuzojnë se aplikacione si Tik Tok, me rreth 800 milionë përdorues kanë transferuar të dhënat e klientëve të tyre qeverisë së Pekinit, edhe pse drejtuesit e aplikacionit mohojnë diçka të tillë.
Për Tik Tok, ky është një vendim plot pasoja. Aplikacioni i njohur për krijimin e performancave të ndryshme në video është nga më të preferuarat në Indi, vend ku që përfaqëson 1/3 e përdoruesve total.
Por bojkoti indian ndaj Kinës nuk mbaron me kaq. Nuk janë të pakta hotelet që kanë zyrtarizuar refuzimin e prenotimeve nga turistët kinezë, dhe marka të njohura si ajo e pajisjeve elektronike Xiaomi, ka ulur ndjeshëm reklamimin për frikë të protestave që mund të gjenerohen./ Opinion.al
