Pas mbledhjes me kryesinë dhe grupin e ish-deputetëve, Partia Demokratike ka dalë me një vendim për mënyrën se si do të vijojë angazhimin e saj, kundrejt çështjes së teatrit.
Në një dalje për mediat në përfundim të mbledhjes, kryetari Lulzim Baha u shpreh:
Alenaca për Mbrojtjen e Teatrit ka shpallur një protestë dhe ka kërkuar praninë e qytetarëve. Është vendim i lidershipit të PD për të mobilizuar strukturat tona, për t’u bërë thirrje gjithë qytetarëve shqiptarë që nesër të jemi në këtë protestë kundër këtij krimi makabër dhe shkeljeje flagrante të kushtetuës dhe ligjit. Në protestë jo vetëm në mbrojtje të teatrit, por kundër tiranisë, kundër shkeljes së ligjit dhe të drejtave të qytetarëve. Ndaj në mbledhjen e sotme janë ndarë detyrat për të siguruar pjesëmarrje maksimale dhe për t’i bërë thirrje çdo qytetari që të angazhohet në këtë protestë, që ka për detyrë diçka shumë të madhe, krijimi i vlerave të demokracisë dhe shtetit të së drejtës.
Pas Partisë Demokratike, edhe LSI në mbledhjen e saj të jashtëzakonshme vendosi për bashkimin në protestën e ditës së hënë. /Opinion.al
