Sport

Pas kritikave për sponsorin, ylli i tenisit përgjigjet Greta Thunberg


Bëhu pjesë e Grupit Zyrtar të Opinion.al
>> KËTU <<
               Publikuar në : 17:31 - 12/01/20 |
Al Do

Ylli i tenisit Roger Federer është përgjigjur me shkrim ndaj kritikave në rritje, përfshirë edhe nga aktivistja e klimës, Greta Thunberg, për marrëveshjen e tij me sponsorin Credit Suisse.

Një numër i madh aktivistësh zviceranë u paraqitën në gjyq të martën pasi refuzuan të paguanin një gjobë pasi kishin luajtur tenis brenda degës të bankës Credit Suisse në nëntor 2018, një veprim ky që synonte të vinte në dukje marrëdhëniet e Federer me gjigantin financiar zviceran, i cili është i lidhur ngushtë me industrinë e energjisë që ndot ambjentin.

Ata mbanin në duar pankarta ku lexohej “Credit Suisse po shkatërron planetin. Roger, a i mbështet ti ata? ”Avokatët e aktivistëve, kryesisht studentë, thanë se po apelonin gjobën prej 21.600 franga zvicerane, mbi bazën që ata po vepronin për të rritur ndërgjegjësimin për urgjencën e çështjes së klimës.

Thunberg ishte midis afro 700 llogarive që shpërndanë një postim nga grupi aktivist i klimës 350.org Europe. “Që nga viti 2016 @CreditSuisse ka siguruar 57 Miliardë dollarë për kompanitë që kërkojnë depozita të reja të karburanteve fosile – diçka që është plotësisht e papajtueshme me aksionin për klimën. Roger Federer e miratoni këtë? #RogerWakeUpNow. “, shkruhet në tweet.

Federer, i cili është në Melburn duke u përgatitur për Australian Open, u përgjigj këtë fundjavë përmes një deklarate. Por kampioni i 20 Grand Slam-eve nuk foli drejtpërdrejt për marrëdhënien e tij me Credit Suisse. “E marr shumë seriozisht çështjen e ndryshimit klimatik, sidomos tani që unë dhe familja ime shkojmë në Australinë e shkatërruar nga zjarret”, shkruhet në deklaratën e Federer, dërguar në Reuters.

“Si babai i katër fëmijëve të vegjël dhe një përkrahës i zellshëm i arsimit universal, unë kam shumë respekt dhe admirim për lëvizjen rinore të klimës, dhe jam mirënjohës për aktivistët e rinj të klimës që na shtyjnë të gjithëve të rimendojmë sjelljet tona dhe të veprojmë drejt zgjedhjeve inovative. I detyrohemi atyre dhe vetes që t’i dëgjojmë. Unë e vlerësoj apelin ndaj përgjegjësisë sime si një individ privat, si një atlet dhe si një sipërmarrës, dhe jam i përkushtuar të përdor këtë pozicion të privilegjuar për të dialoguar për çështje të rëndësishme me sponsorët e mi. ”

Credit Suisse kohët e fundit deklaroi se “po kërkon të përafrojë portofolet e saj të kredisë me objektivat e Marrëveshjes së Parisit dhe së fundmi ka njoftuar në kontekstin e strategjisë së saj globale të klimës se nuk do të investojë më në termocentrale të reja me qymyr”.

Federer do të kryesojë një ekspozitë të mbledhjes së fondeve në Rod Laver Arena të mërkurën në ndihmë të lehtësimit të zjarreve në Australi, së bashku me Rafael Nadal, Serena Williams, Nick Kyrgios, Stefanos Tsitsipas, Naomi Osaka dhe Caroline Wozniacki. /Opinion.al

Pas