Vendimi i Komisionit Qëndror të Zgjedhjeve për të refuzua dekretin e Presidentit për anulimin e datës së zgjedhjeve është konsideruar një puc institucional për të cilin anëtarët e KQZ do të mbajnë përgjegjësi penale. Numri dy i LSI, Petrit Vasili reagoi ashpër ndaj anëtarëve të KQZ pas mbledhjes ku ata shqyrtuan dekretin e presidentit.
“Anëtaret e rilindjes ne KQZ u vetëngarkuan me përgjegjësi shume te rende penale nga e cila nuk i shpëton dot as Edi Rama dhe askërkush” shkruan i Vasili.
Si të turpshëm dhe skandaloze e ka cilësuar punën e KQZ edhe Sekretari i Përgjithshëm i Partisë Demokratike Gazmend Bardhi. Ai i ka quajtur anëtarët e komisionit ‘militantë’ dhe i kujton se janë ata ‘që pohuan përpara Gjykatës Kushtetuese se Kushtetuta mund të ndryshohet edhe me vendim qeverie’.
Për ish deputetin e PD shteti tashmë ka rënë nga ana institucionale dhe për këtë ai bën përgjegjës Edi Ramën. Këtë gjë populli nuk ka për ta pranuar kurrë shton në fund të reagimit të tij në Facebook Bardhi.
Kujtojmë se më herët KQZ në mbledhjen e kësaj të hëne, që nisi me dy orë vonesë cilësoi si të pavlefshëm vendimin i Kreut të Shtetit. Kreu i KQZ, Klement Zguri braktisi mbledhjen, ndërsa në fillim tha se kjo është një situatë e paprecedentë. Zguri tha se KQZ s’ka kompetenca për refuzimin e dekretit. /Opinion.al
