Pas anëtarëve të Komisionit të Përkohshëm të Rithemelimit, të rinjtë e FRPD kanë shkuar në selinë blu për të zhvilluar një mbledhje. Edhë këta të fundit janë përballur me dyert e mbyllura të selisë.
Në në deklaratë për mediat disa prej tyre e cilësuan mbylljen e selisë si një akt të turpshëm.
“Jemi thirrur për të bërë një mbledhje për zhvillimin e protestës më 8 janar , por nuk lejohemi të hyjnë në seli për të zhvilluar mbledhjen. Kjo është një situatë e turpshme, kjo seli nuk është pronë e askujt por e demokratëve dhe t’i mbyllesh derën të rinjve është e paprecedentë. Nuk ka nevojë të lajmërohet administrata për çdo hyrje, ne kemi hyrjen tonë në FRPD. Nuk jemi ne rrezik për këtë seli por duam thjeshtë të zhvillojmë një mbledhje. Kjo është një mbyllje dyersh për çdo mendim ndryshme. Ne do të jemi në protestë më 8 janar”, tha një prej të rinjve.
Më herët Bumçi, Strazimiri, Kaso dhe disa anëtarë të Grupit të Rithemelimit të Partisë Demokratike shkuan në selinë e PD por nuk arritën të hyjnë brenda selisë./Opinion.al
