Ministria e Shëndetësisë do të diskutojë me farmacistët për gjetjen e një zgjidhjeje mbi ankesat që kanë këta të fundit në lidhje me çmimet e barnave të të rimbursueshme. Dy palët kanë rënë dakort pas takimit që është zhvilluar në ambientet e Ministrisë së Shëndetësisë mes ministres Ogerta Manastirliu dhe kryetares së Urdhrit të Farmacistëve, Dina Toma.
Më herët, Urdhri i Farmacistëve kishte paralajmëruar një grevë dyorëshe për ditën e premte, por që nuk dihet nëse do ta mbahet apo jo pas zhvillimeve të fundit.
Farmacistët thonë se futja e beftë e listës së barnave të rimbursueshëm u ka krijuar atyre një dëm financiar, pasi disa barna që i kanë blerë më shtrenjtë, tani janë të detyruar t’i shesin me gati një të dytën e çmimit dhe askush nuk ua rimburson.
“Si shembull, Novaldex unë e kam shitur deri tani me çmim të miratuar nga MSh me 620 lekë, ndërkohë që me futjen e beftë të listes duhet ta shes 330 lekë. Është gjithnmonë pika fundore, pra ne farmacitë që paguajmë dëmin”, thotë Erisa Petro, farmaciste.
Kjo ndodh sa herë hyn në fuqi lista e re e barnave me rimbursim, por nëse do të ishin njoftuar më parë atëherë dëmi financiar, sipas tyre do të ishte më i vogël.
Në foto: Diana Toma e urdhërit të farmacisteve duke folur pas takimit me Manastirlliun
