Pas 4 vitesh, BE do të nënshkruajë MSA për Kosovën

PRISHTINË- Ministrja për dialog në Qeverinë e Kosovës, Edita Tahiri ka dekolaruar për gazetën Koha në Kosovë se në nivelin e Komitetit Politik të ambasadorëve të vendeve të Bashkimit Evropian është marrë vendimi në mbështetje të MSA-së për Kosovën. “Nënshkrimi është paraparë për javën tjetër dhe diku është përmendur data 27 tetor dhe me këtë rast po rrumbullakohet një proces i rëndësishëm në rrugën e integrimit të Kosovës në BE”, ka thënë ministrja Tahiri. “Mendoj se kjo arritje e Kosovës është rezultat i dialogut të Brukselit, sepse edhe në vitin 2011, në dhjetor, Këshilli Evropian kishte marrë vendim që Kosovës do t’i ofrohet MSA-ja. Natyrisht ka zgjatur katër vjet.