PRISHTINË- Rreth 200 studentë të Universitetit të Prishtinës me seli në Mitrovicë protestuan sot pranë cepit verior të urës kryesore mbi lumin Ibër duke kundërshtuar në këtë mënyrë pranimin eventual të Kosovës në UNESCO. Studentët kanë mbajtur flamuj të Serbisë si dhe pankarta ku shkruan “Jo Kosova në UNESCO”, etj. Protesta është shpërndarë e qetë. Bordi Ekzekutiv i UNESCO-s sot do të vendosë për propozimin e pranimit të Kosovës në këtë organizatë shumë të rëndësishme. Vendimi përfundimtar do të merret në konferencën e përgjithshme që do të mbahet në nëntor, mirëpo nëse sot vendimi është pozitiv, atëherë pranimi është i sigurt.
KOMENTO (0)
