Gjatë ditës së sotme parashikohet që pjesa më e madhe e vendit të dominohet nga moti i kthjellët në bregdet dhe zonat e ulta ndërsa me kthjellime dhe vranësira të shpeshta do të paraqitet moti në zonat malore.
Por kjo deri në mesdite sepse pas mesdite pritet zhvillim i vranësirave në këto zona duke rrezikuar rrebeshe shiu afat – shkurtër, më të dukshme në veri të vendit.
Pjesa e dytë e ditës do të vijojë në ndikimin e kthjellimeve dhe vranësirave të lehta në bregdet dhe zonat e ulta duke lënë me vranësira të shpeshta dhe shira të izoluar të gjithë zonën malore përgjatë kufirit Lindor.
Parashikohet që e njëjta situatë e motit të vijojë dhe gjatë natës.
