Papa Françesku vijon të qëndrojë në spitalin Gemeli dhe ka anuluar të gjitha takimet e planifikuara deri më 18 qershor.
Siç u bë e ditur nga shërbimi për shtyp i Vatikanit, situata postoperatore e Papa Françeskut po ecën pa probleme dhe ai shprehu dëshirën për të rifilluar punën.
Por në këtë fazë (pas operacionit të zorrëve që iu nënshtrua tre ditë më parë), mjekët e këshilluan të pushonte plotësisht dhe për këtë arsye, të gjitha takimet e planifikuara të Papës, deri më 18 qershor, u anuluan. Sa i përket liturgjisë së nesërme dhe lutjes së vendosur të Engjëllit në Vatikan, në të njëjtën kohë, Françesku, natyrisht, nuk do të jetë i pranishëm. Siç u bë e ditur, ai do të falet “privatisht”, nga dhoma e tij, e cila ndodhet në katin e dhjetë të spitalit “Agostino Gemelli” në Romë./Opinion.al
