Bota

Papa ka firmosur dorëheqjen: Largohem nga detyra nëse shëndeti më pengon



Bëhu pjesë e Grupit Zyrtar të Opinion.al
>> KËTU <<
               Publikuar në : 13:58 - 18/12/22 |
Opi Nion

Papa Françesku ka zbuluar në një intervistë të re se ai tashmë ka nënshkruar letrën e tij të dorëheqjes për t’u përdorur në rast se problemet shëndetësore do t’i pamundësonin të kryente detyrën.

Papa e bëri këtë koment në një intervistë me gazetën spanjolle ABC, të botuar të dielën, kur u pyet se çfarë do të ndodhte nëse një papë papritmas bëhet i paaftë për të kryer detyrat e tij për shkak të problemeve shëndetësore ose një aksidenti të mundshëm.

Françesku tha se e shkroi letrën disa vite më parë dhe ia dha atë Sekretarit të Shtetit të Vatikanit, Kardinalit Tarcisio Bertone, i cili dha dorëheqjen në vitin 2013.

“Unë tashmë kam nënshkruar dorëheqjën kur Tarcisio Bertone ishte ende sekretar i shtetit. E nënshkrova dhe i thashë: në rast problemi për çështje mjekësore apo të tjera, këtu është dorëheqja ime”, është cituar të thotë Papa Françesku.Nuk e di kujt ia ka dhënë atë letër kardinali Bertone, por ia kam dorëzuar kur ishte Sekretar i Shtetit”, tha Françesku, duke shtuar se kjo ishte hera e parë që ai fliste publikisht për ekzistencën e letrës.

Françesku tha se papët e kaluar Pali VI dhe Pious XII kishin hartuar gjithashtu letrat e tyre të heqjes dorë në rast të një dëmtimi të përhershëm.

Françesku, 86 vjeç, duket se është në gjendje të mirë shëndetësore, përveç problemeve në gju. Ai është parë shpesh me një shkop ecjeje dhe ndonjëherë përdor një karrige me rrota për shkak të dhimbjes në gjurin e djathtë.

Në fillim të këtij viti, ai anuloi një udhëtim në Republikën Demokratike të Kongos dhe Sudanin e Jugut pasi mjekët thanë se ai gjithashtu mund të humbiste një udhëtim të mëvonshëm në Kanada nëse nuk pranonte të kishte 20 ditë të tjera terapi dhe pushim për gjurin e tij të djathtë.

Vitin e kaluar, ai iu nënshtrua një operacioni për të hequr një pjesë të zorrës së trashë për shkak të divertikulitit, një gjendje e zakonshme.

Pas