InstaBIZ

Pandemia e ngre Jeff Bezos në nivele pasurie të paarritura më parë


Bëhu pjesë e Grupit Zyrtar të Opinion.al
>> KËTU <<
               Publikuar në : 19:35 - 27/08/20 |
Al Do

Me krizat vijnë edhe mundësitë thotë një shprehje dhe me pandeminë që ka përfshirë Tokën, kërkesa për shërbime “online” është rritur si kurrë më parë.

Pandemia po shkakton krizën më të madhe ekonomike që nga Depresioni i Madh por kjo nuk mund të thuhet për të gjithë.

Jeff Bezos ishte njeriu më i pasur në botë por tani pasuria e tij është rritur shumë, duke vendosur një tjetër rekord të ri.

Krijuesi dhe aksioneri kryesor i Amazon, hapsira më e madhe “online” për blerje, zotëron tashmë rreth 202 miliardë dollarë, sipas indeksit të Bloomberg Billionaires.

Që nga janari pasuria e tij është rritur me 87 miliardë dollarë e kjo vetëm falë rritjes së vlerës së aksioneve të kompanisë së tij gjatë pandemisë.

Aksionet e Amazon janë rritur rreth 25% gjatë tre muajve të fundit dhe 86% deri më tani këtë vit, sipas të dhënave nga Refinitiv.

Bezos, i cili themeloi Amazon në 1994, vazhdon të thyejë rekorde me pasurinë e tij. Në vitin 2017, ai u bë personi më i pasur në planet. Tani ai është personi i parë në histori me mbi 200 miliardë dollarë pasuri.

Ai nuk është i vetëm. Manjatët e tjerë të teknologjisë janë bërë shumë më të pasur gjatë gjithë pandeminë, teksa kërkesa për mallra dhe shërbime të kompanive të tyre vazhdon të rritet.

Në fillim të këtij muaji, Drejtori i Përgjithshëm i Facebook, Mark Zuckerberg u quajt një “centimiliarder”, pasi pasuria e tij tejkaloi 100 miliardë dollarë.

Megjithëse Amazon është pasuria më e madhe e Bezos, nuk është e vetmja markë e madhe që ai zotëron. Jashtë kompanisë, Bezos zotëron gjithashtu Blue Origin, kompania e udhëtimit hapësinor që ai themeloi në vitin 2000, dhe gazeta Washington Post, të cilën ai e mori në 2013./ Opinion.al

Pas