Politikë

Pandemia, 1600 mjekë familje ndjekin rastet e lehta dhe asimptomatikët


Bëhu pjesë e Grupit Zyrtar të Opinion.al
>> KËTU <<
               Publikuar në : 16:47 - 05/07/20 |
el ida

Ministrja e Shëndetësisë dhe Mbrojtjes Sociale, Ogerta Manastirliu, deklaroi se 1600 mjekë familje po ndjekin me shumë rigorozitet rastet e prekura me Covid19, të cilët janë me simptoma të lehta apo janë asimptomatikë.

“Janë 1600 mjekë të familjes në gjithë Shqipërinë të cilët po ndjekin dhe monitorojnë rastet me Covid19 të cilët janë me simptoma të lehta apo janë asimptomatikë, duke marrë terapitë përkatëse, me protokolle tashmë të përcaktuara”, tha Manastirliu teksa inspektonte ambulancën e fshatit Zogaj në Shkodër, e cila është rehabilituar së fundmi.

Aktualisht në vend janë 1160 raste aktive, nga të cilët, në spitalin infektiv janë të shtruar 89 pacientë.

Numri i të infektuarve me Covid-19 që ndodhen në terapi intensive është 11, dhe sic tha ministria, gjendja e tyre është serioze./Opinion.al

Pas