Ish-deputeti i Partisë Demokratike, Edi Paloka, ka akuzuar kreun e qeverisë, Rama se iu kthye avazit të vjetër, sipas të cilit të gjitha shkeljet ligjore dhe kushtetuese i bën me marrëveshje me ndërkombëtarët, ndërsa kush e denoncon apo i kundërshton ato është kundër SHBA-së dhe BE-së.
Përmes një statusi në Facebook, Paloka shprehet se këtë taktikë Rama e ndoqi me sukses kur kanabizoi vendin, ndërsa sot nxorri para ndërkombëtarët për të justifikuar shkeljen e Kushtetutës dhe kapjen e drejtësisë.
Paloka shton se ndërkombëtarët, ashtu si opozita, kërkojnë ngritjen e Gjykatës Kushtetuese, Gjykatës së Lartë, SPAK, BKH, dhe të gjitha institucionet e parashikuara në Kushtetutë, teksa akuzoi Ramën që zvarriti ngritjen e tyre dhe stërzgjati Vettingun, pasi sipas tij opozita nuk ka gjë në dorë, veç fjalës.
Statusi i plotë i Palokës:
Rama ju kthye dhe sot “avazit” te vjeter sipas te cilit gjithe shkeljet ligjore e kushtetuese qe ai ndermerr i ben me marreveshje me nderkombetaret. Nderkohe gjithe ata qe denoncojne e kundershtojne shkeljet e tij , jane kunder BE apo SHBA…!!!
Mos harrojme se kete “taktike” Rama e ndoqi here ne menyre abuzive e here me sukses dhe me kanabizimin e vendit kur perpiqej ta paraqiste realitetin me deklarata te disa diplomateve megjithese kanabisi kishte pushtuar cdo pellembe. Kjo vazhdoi deri sa ju doli boja fare…Sot, po i njejti ( qe per reformen zgjedhore nuk i do as prane nderkombetaret) nxorri perpara nderkombetaret per te justifikuar shkeljen e Kushtetutes dhe kapjen e drejtesise…
Une nuk e di dhe nuk besoj se ka ndonje perfaqesues te vendeve demokratike qe mbeshteska Ramen ne kapjen e drejtesise ne menyre antikushtetuese.
Nga ajo qe kemi degjuar publikisht, partneret jane angazhuar dhe mbeshtesin ngritjen e nje drejtesie te pakorruptuar e te pavarur. Nje drejtesi qe denon politikanet , qeveritaret e korruptuar e te lidhur me krimin . Ministrat e funksionaret qe ne bashkepunim me krimin kane blere e manipuluar votat e shqiptareve.Te pakten ne kushtet e Bundestagut keto kemi lexuar .
Edhe ne raportet e Departamentit Amerikan te njejten linje kemi pare ( e nuk mund te jete ndryshe) keshtu qe nuk dihet per cilet partnere flet Rama !Po eshte e vertete qe nderkombetaret , ashtu si opozita, kerkojne ngritjen sa me pare jo vetem te Gjykates Kushtetuese e Gjykates se Larte , po dhe gjithe institucioneve te tjera te parashikuara nga Kushtetuta sidomos SPAK dhe BKH.Kush i shkatrroi gjykatat ? Kush i ka penguar dhe vazhdon ti pengoje keto institucione?
Kush e zvarriti dy vjet e vazhdon te zvarrise dhe sot ngritjen e tyre?Opozita, qe nuk ka me asgje ne dore pervec fjales?!Kush e sterzgjat Vettingun per ta perdorur si mjet presioni ndaj gjyqtareve e prokuroreve?Kush nuk ju jep as fondet dhe stafet e domosdoshme per kryerjen e funksioneve elementare ketyre institucioneve ?Sigurisht edhe shqiptari me naiv e di dhe e kupton se kujt i duhet nje drejtesi e kapur sepse sot e di kushdo se kush eshte i korruptuari dhe i lidhur me krimin. Kjo eshte arsyeja pse Rama nuk mund te lejoje ngritjen e institucioneve te pavarura te drejtesise. Prandaj ose te kapura prej tij ose te bllokuara.
