SHBA është e hapur për idenë e shkëmbimit të territoreve mes Kosovës dhe Serbisë shkruan Euobserver duke cituar të dërguarin e Shteteve të Bashkuara për Ballkanin Perëndimor, Matthew Palmer për tu mohuar më vonë nga i dërguari i presidentit Trump, Richard Grenell.
Artikulli i Euobeserver ka sjellë reagim të menjëhershëm të mediave dhe opinionit publik pasi ai tregon se ka një thyerje mes qëndrimit të Gjermanisë dhe SHBA-së sa i përket shkëmbimit të territoreve në Ballkan.
#LandSwap plan for Serbia and Kosovo remains popular in US circles, with #USspecialenvoy @RichardGrenell, continuing to promote the idea of a “quick deal” on recognition last year.https://t.co/410J6cYXdH
— EUobserver (@euobs) February 19, 2020
“U takon palëve të krijojnë parametrat e dialogut”, ka thënë zoti Pamer për euobserver kur është pyetur për idenë e shkëmbimit të territoreve.
Megjithatë, reagimi erdhi nga zyra e ambasadorit amerikan në Berlin, Richard Grenell i cili e cilësoi artikullin “fake news”
“Lajm i rremë. Ju kurrë nuk më keni thirrur apo shkruar për të pyetur. Unë jam për atë që palët bien dakord – Unë jam i përqendruar në zhvillimin ekonomik, jo në politikë”, shkruan Grenell në Twitter.
Fake news. And you never called or wrote to ask. I am for what the parties agree to – I’m focused on economic development, not politics. https://t.co/a9ULga6jky
— Richard Grenell (@RichardGrenell) February 19, 2020
Përgënjeshtrimi i tij lidhet me faktin se ai nuk është pyetur por Euobersver në artikullin e saj nuk citon zotin Grenell por Matheë Palmer, të cilin sipas artikullit e ka pyetur në Bruksel gjatë Konferencës së Donatorëve.
“Ajo çfarë mbështesim ne është që palët të gjejnë rrugë për t’u kthyer në tavolinën e negociatave, duke vendosur në tavolinë çështjet që i shqetësojnë ato dhe të gjejnë mënyrë për normalizim të marrëdhënieve, mundësisht me njohje reciproke në qendër”, citohet të ketë thënë Palmer nga Euobserver.
Pyetjes nëse pozicioni i Shteteve të Bashkuara është kundër Gjermanisë, e cila ka deklaruar se marrëveshja për shkëmbim territoresh mund të destabilizojë rajonin ai nuk i është përgjigjur.
Ende nuk ka një reagim nga zyra e zotit Palmer lidhur me këto deklarata. /Opinion.al
