TIRANË- Kryetari i Bashkisë së Tiranës, Erion Veliaj, denoncoi sot dhënien e lejeve të ndërtimit nga ish -kryebashkiaku Basha. “6 ditë para se të merrja detyrën dhe para se të betohesha, ndërkohë që zgjedhjet kishin mbaruar, Tiranës iu bë një pabesi. Iu shtua për dy vjet një leje që do të skadonte atë javë, në rrugën “Donika Kastrioti”, tha Veliaj. “Është një pallat që ju e keni parë, nuk ka as garazhe, as kate nëntokësore”, shtoi ai
Sipas Veliaj, si ish-kryetari i komunës së Farkës ashtu edhe si ish-kryetari i Bashkisë së Tiranës kanë një mentalitet: Tokë e djegur, pas meje qameti”, u shpreh Veliaj.
Bëhet fjalë për pallatin që prej vitesh është në ndërtim në zonën e Bllokut, pranë sheshit “3 Vëllezërit Frashëri”. (shih fotot). Ndërtues i këtij objekti është Edmond Pinguli, i përfolur në media si biznesmen pranë së djathtës.
