Firmat që duan t’u bashkohen emrave të mëdhenj të modës, si Gucci, Valentino, Pranda apo Chanel në faqen zyrtare të Vogue Runway’s, tani mund ta bëjnë, por me një tarifë prej 20,000 dollarë në vit dhe përmes një miratimi nga redaktori i Vogue. Kjo i lejon markat apo stilistët të publikojnë imazhet e koleksionit të tyre në websiten zyrtarë të Vogue Runway. Edhe pse vetë Vogue pretendon se do ketë filtër në përzgjedhje, fakti që në të mund “të blesh një vend” reklamimi ngjall dyshime se tani prestigjozja mund të kthehet në faqe reklamash për përfitime monetare, duke humbur autencitetin e saj.
Që prej vitit 2000 industria e modës e ka parë “Vogue Runway” si një vulë prestigji, ndaj jo secili stilist apo markë mund të publikonte krijimet në Vogue. Faqja zyrtare e tyre në internet aktualisht ka mbi 2,5 milionë vizitorë gjatë një jave mesatare dhe aplikacioni “Vogue Runway” është shkarkuar më shumë se 1.8 milionë herë”, pra kuptohet qartë që ndikimi i saj në botën e modës është i fuqishëm./E.M
