Aktualitet

Pagat/Rama: Do të pyesim shqiptarët nëse duhet të bëhen publike 1 herë në vit


Bëhu pjesë e Grupit Zyrtar të Opinion.al
>> KËTU <<
               Publikuar në : 11:18 - 16/05/22 |
Opi Nion

Kryeministri Edi Rama po zhvillon ditën e sotme një konferencë për mediat lidhur me ecurinë e punës së Njësisë Speciale Antiinformalitet e krijuar pas skandalit me publikimin e pagave të shqiptarëve.

Gjatë fjalës së Rama tha se se dalja e pagave përveç anës së vet negative kishte dhe një anë jo të vogël pozitive. Sipas Ramës ka shumë biznese që deri tani “kanë reaguar pozitivisht duke reflektuar ndryshimet në lidhje me pagat e punonjësve”.

 “E keni parasysh çfarë efekti pati dalja e pagave në publik që përveç anës së vet negative kishte dhe një anë jo të vogël pozitive sepse i gjithë opinioni publik u ballafaqua me një realitet i cili pavarësisht rregullimeve në vite, ishte pasqyrë e një deformimi të madh, për të cilin ne jemi të vetëdijshëm e kemi qenë. Sikundër e bëmë me dije, ngritëm njësinë speciale të anti informalitetit për të ushtruar një proces kontrolli të detajuar dhe për të na dhënë një analizë të gjithë situatës. Vlerësojmë bizneset që deri tani kanë reaguar pozitivisht duke reflektuar ndryshimet në lidhje me pagat e punonjësve”-tha kryeministri.

Ndërkohë Rama deklaroi se në Këshillimin Kombëtar të ardhshëm, do të pyeten qytetarët nëse janë dakord që një herë në vit pagat të bëhen publike.

“Ndërkohë që unë dua të them vetëm dy gjëra. Së pari ne duke parë këtë eksperiencë e cila erdhi si rezultat i një ngjarje aspak të dëshiruar dhe aspak të mirëseardhur, dalja e pagave në publik, mendojmë që është e udhës që në Këshillimin e ardhshëm Kombëtar ne t’i pyesim shqiptarët a mos është vallë më mirë që një herë në vit të gjitha pagat të bëhen publike? Sepse kjo eksperiencë na tregon që vendet që e bëjnë këtë punë, disa vende që e bëjnë, dhe që thonë që kjo ka efektin më të madh vetërregullues brenda për brenda sistemit për shkak se krijon përmes transparencës presionin pozitiv të nevojshëm mbi të gjithë komunitetin e biznesit, ne mendojmë që kjo është shumë e vërtetë se e shohim që impakti i kësaj ngjarje dhe i gjithë punës së bërë pas kësaj ngjarje, jo vetëm i punës së bërë nga ana jonë, por edhe i pranueshmërisë së lartë që gjeti komunikimi ynë me biznesin, të cilit i kërkuam përmes letrave që të rishikonin dhe korrektonin pagat, rezultoi shumë i suksesshëm në këtë fazë. Ideja që pagat mund të bëhen publike çdo vit, një herë në vit, është një ide që natyrisht nuk mendoj se ne duhet ta aplikojmë me të thënë e me të bërë, por të cilën ia vlen të konsultohet opinioni publik”, tha Rama.

Pas