Aktualitet

Ornaldo Rakipi s’përjashtohet nga PS,Alibeaj: Falë non gratave Rama mban karrigen


Bëhu pjesë e Grupit Zyrtar të Opinion.al
>> KËTU <<
               Publikuar në : 15:54 - 19/04/22 |
Opi Nion

Pasi socialistët nuk morën vendim për përjashtimin e deputetit, Orlando Rakipi, babai i të cilit  u shpall non grata nga Departamenti i Thesarit në SHBA ka reaguar kreu i grupit parlamentar të PD, Enkelejd Alibeaj.

Ai thotë se Rama nuk ndahet nga personat “non grata” pasi vetëm falë tyre ai arrin të mbajë karrigen e kryeministrit.

Më tej, Alibeaj thekson se PD e ka denoncuar kohë më parë përfshirjen e Aqif Rakipit në procesin e blerjes së votave.

“Asnjë habi nga ishulli i non grata-ve. E sotmja ishte prova e radhës se Edi Rama e ka të pamundur të ndahet nga non gratat sepse vetëm falë tyre ai arrin të mbajë karrigen e kryeministrit. Vendimi i sotëm i grupit parlamentar të PS është qartas dëshmi e pushtetit dhe pengmarrjes që klubi i nongratave ka në politikën shqiptare. PD e ka denoncuar kohë më parë përfshirjen e Aqif Rakipit në procesin e blerjes së votave. Ky fakt i konfirmuar dhe nga Departamenti Amerikan i Shtetit nuk arrit ta bindë Edi Ramen dhe deputetet e tij se votat e blera për llogari të të birit duhet të jenë një alarm për ecurinë normale të parlamentarizmit.

Me avokatinë e sotme ndaj Ornaldo Rakipit, kryeministri dëshmoi qartë se ai është ideatori i masakrës elektorale të 25 prillit. Zbatuesit e kësaj masakre janë grupi i non gratave që sot janë ende aktivë në strukturat e PS. Jo rastësisht dhe në zgjedhjet e pjesshme lokale të 6 marsit, PD denoncoi përfshirjen e Tom Doshit dhe Vangjush Dakos në fushatën për zgjedhjen e kryebashkiakëve.

Askush nuk habitet pra nga ishulli i non grata-ve ku çdo gjë është e vjedhur”, shkruan Alibeaj.

Pas