PRISHTINE- Deputetët e opozitës kanë mbajtur një konferencë për media në hollin e kuvendit. “Opozita nuk do të lejojë mbajtjen e seancave pa u anuluar marrëveshjet në Bruksel. Kosova është ndarë sot në ata që janë për “Zajednicën”, në ata që janë për ndarjen e Kosovës, që janë PDK dhe LDK me partnerët e tyre që po mbajnë një mbledhje jolegjitime”, ka thënë Haradinaj.
“Kjo mbledhje nuk është as seancë e as legjitime. Ne kemi tentuar dy herë që të shkojmë në atë mbledhje, por jemi penguar nga PK, e urdhëruar nga ky koalicion qeverisës. PK ka qenë e dhunshme ndaj deputetëve të opozitës të cilët kanë përdorur edhe gaz lotsjellës, me ç’rast janë lënduar Kurti dhe Haxhiu”, ka thënë Ymeri.
“Ne kemi paralajmëruar tash e disa ditë se rreziku nga ky pushtet. Ky pushtet nuk njeh gjuhë tjetër përveç arrogancës. Sot është përpjekja më serioze për të instaluar një shtet policor. Largimi nga salla dhe pastaj mbajtja e të ashtuquajturës seancë ilegale. Urdhri i marrë nga policia për të ndaluar deputetët e tregon këtë më së miri. Ne ftojmë qytetarët që të kundërshtojnë këto veprime”, ka thënë Limaj. /exspress/
