Emisioni “Opinion” në Tv Klan ndalet mbrëmjen e kësaj të marte te mbledhja që Partia Socialiste zhvilloi me grupin parlamentar të hënën, 9 mars, për çështjen e Belinda Ballukut. Në mbledhje u prezantua raporti final i pesë anëtarëve socialistë në Këshillin e Mandateve. PS refuzon kërkesën e SPAK-ut drejtuar Kuvendit për masë shtrënguese ndaj ish-ministres. Seanca plenare e 12 marsit pritet të jetë vendimtare për fatin e Ballukut, ku Kuvendi do të votojë për kërkesën e SPAK-ut lidhur me hetimet ndaj saj për tenderët e Tunelit të Llogarasë dhe të Unazës së Madhe, mes përplasjesh të forta politike mes shumicës dhe opozitës.

















