Mbrëmjen e kësaj të mërkure, 11 mars, në pjesën e parë dhe të dytë të emisionit “Opinion” në Tv Klan, diskutimi u përqendrua tek turizmi alpin në Shqipëri. Biseda u përqendrua te strukturat kryesore dhe destinacionet turistike malore jo vetëm në Shqipëri, por edhe në Kosovë dhe trevat shqiptare në Maqedoninë e Veriut, të cilat vizitohen jo vetëm gjatë dimrit, kur dëbora krijon peizazhe spektakolare, por edhe në pranverë.
Gjatë emisionit u fol për vendndodhjen e këtyre destinacioneve, çfarë ofrojnë për turistët dhe cilat janë shërbimet që i bëjnë ato të veçanta.
Në studio ishin tetë të ftuar, të cilët diskutuan për bukurinë e maleve, magjinë e natyrës dhe zhvillimin e resorteve turistike në Shqipëri, por edhe të insfrastrukturës. Ata prezantuan gjithashtu pamje nga strukturat dhe zonat turistike nga vijnë.
