Mbrëmjen e 18 Qershorit në program, ishte e ftuar, kryetarja e LSI-së, Monika Kryemadhi, përballë gazetarëve, Mentor Kikia dhe Marsela Karapanços.
Kryemadhi, u shpreh se ka një marrëveshje të partive opozitare që në 23 Prill. Ndonëse nuk dha detaje mbi mënyrën se opozita do të maksimalizojë votat në zgjedhjet e ardhshme, Kryemadhi tha se marrëveshja me PD është definitive dhe se nuk ka asnjë shans që LSI të lidhë aleancë me PS.
Po ashtu, në “Opinion” foli dhe kreu i Urgjencës Kombëtare, Skënder Brataj, i cili tha se rritja e numrit të personave të infektuar nga COVID ishte e pritshme, pas hapjes së vendit. Duke përjashtuar mundësinë e mbylljes, Brataj tha se një mbyllje do të ndodhte vetëm nëse do të kishte një tejkalim të numrit të personave të shtruar në spital, gjë që sipas tij nuk kishte shanse të ndodhte.
Po ashtu në program ishin të ftuar dhe Klodiana Lala, Artan Hoxha, dhe Frida Kofca.
Emisioni i plotë në videon e mëposhtme:
