Të enjten në emisionin “Opinion” u diskutua tema “Çfarë do të ndodhë pas arrestimeve të SPAK?”
Pas arrestimit të Ilir Metës dhe ish-deputetit të PS, Jurgis Çyrbja ka shpërthyer një situatë brenda politikës shqiptare. Nuk ka thuajse asnjë koment nga mazhoranca, ka komente sporadike nga Partia Demokratke, Partia e Lirisë është e renditur në mbrojtje të Metës. Partia Demokratike ka mbështetur arrestimin e Çyrbes. Gjykata ka vendosur që Meta të qëndrojë në burg pa afat, pritet që hetimi i tij i plotë, ngritja e akuzës, dërgimi në gjyq dhe gjykimi i tij e deri në apel do të marrë një kohë jo të shkurtër. Ish-presidenti do të qëndrojë një afat kohor që askush nuk di ta thotë. Problematika nuk lidhet vetëm me arrestimet, me çfarë po ndodh në politikën shqiptare apo nëse ka një spastrim të saj nga SPAK-u, por do të impaktojë drejpërdrejt zgjedhjet 2025. Dy nga tri protagonistët kryesorë të politikës shqiptare, Berisha dhe Meta nuk mund të zhvillojnë fushatë elektorale duke qenë nën arrest. I vetmi që do të ketë mundësi të lëvizë është kryetari i Partisë Socialiste dhe kryeministri i vendit, Edi Rama. Si do të impaktohen zgjedhjet nga ky vendim i SPAK-ut?
Të ftuar: Armand Shkullaku, Baton Haxhia, Mark Marku, Ornela Çuçi, Agron Shehaj, Agim Nesho
Në pjesën tjetër të emisionit ishte historitë e së enjtes. Rikthim në kompaninë Foodini që ka lançuar një platformë për të porositur nga shtëpia. Aktualisht kompania po shtrin aktivitetin në Athinë dhe Selanik ku po bashkëpunon me një kompani greke me afro 1 milionë klientë duke ruajtur edhe emrin e saj. Kompania po kalon nga porosia e ushqimeve edhe te ajo e supermarketeve, farmacive etj që mbërrijnë në shtëpi brenda një kohe nga 40 minuta deri në 2 orë në varësi të kërkesës./Opinion.al
