Emisioni “Opinion” mbrëmjen e kësaj të enjteje, në pjesën dërrmuese të tij i kushtohet ndikimit të politikës së Shteteve të Bashkuara të Amerikës në rajonin e Ballkanit. Çështjet që diskutohen janë: A ka ndryshuar politika e SHBA-ve në raport me SPAK-un, në raport me mazhorancën, a ka një shtytje amerikane të SPAK-ut në raport me aksionet më të fundit që ka ndërmarrë ndaj drejtuesve të qeverisë? Njëkohësisht temë diskutimi është edhe ajo çfarë po ndodh më gjerë me politikën amerikane dhe ndryshimet në lidhje me Iranin.
Dy tema të tjera diskutimi lidhen me vendimin e sotëm të Gjykatës Kushtetuese, sipas të cilit, masa e sigurisë ndaj ish-kryeministrit Sali Berisha është konsideruar i tejzgjatur duke hedhur poshtë vendimet e gjykatave të tjera.
Vendimi tjetër lidhet me inspektimin e telefonave që merren nga Prokuroria e Posaçme, që sipas të dhnave të deritanishme telefonat nuk mund të futen në ekspertizë pa praninë e personit dhe nuk mund të futesh për të gërmuar gjithçka, por vetëm në lidhje me çështjen që po hetohet dhe vetëm me një vendim të Gjykatës.
