Në emisionin e së enjtes mbrëma (3 nëntor 2022) u diskutua për dy tema, “3 kandidatët e PD për Tiranën” dhe “Një italiane që skijon për Shqipërinë!”.
Në pjesën e parë dhe të dytë të emisionit ishin të ftuar tre kandidatët për Primaret e Tiranës të Partisë Demokratike.
Të ftuar në emision ata kanë shpjeguar arsyet e kandidimit në primaret e Partisë Demokratike, që do të çojnë më pas në emrin e kandidatit për zgjedhjet vendore të 14 majit.
Po ashtu, kandidati për Primaret e Tiranës të Partisë Demokatike, Gerti Bogdani është vënë para pyetjes se çfarë fshihet pas fotos së tij në Zimbabve me njërin nga pronarët e inceneratorëve.
Ndërkohë, deputeti Belind Këlliçi ka sqaruar deklaratën dhe kontekstin për banorët e ardhur në Tiranë nga qytetet e tjera.
Ndërsa, mjeku Ilir Alimehmeti duke folur për urbanizimin e Tiranës dhe ndërtimin e kullave, u shpreh se ai do të mbështesë vendosjen e referendumit dhe pyetjes së banorëve nëse janë dakord.
Të ftuar në studio:
- Belind Këlliçi
- Gerti Bogdani
- Ilir Alimehmeti
- Mentor Kikia
- Alba Alishani
Në lidhje të drejtpërdrejtë:
- Ervis Iljazaj
- Preç Zogaj
Në pjesën e tretë, në historitë e së enjtes në “Opinion” u transmetua një intervistë me dy italiane nënë e bijë, Daniela Ceccarell dhe Lara Colturi.
Lara Colturi, një italiane që skijon për Shqipërinë dhe jo për Kombëtaren Italiane, nëna e saj tregoi arsyet e këtij vendimi.
Të ftuar në studio:
- Daniela Ceccarell
- Lara Colturi
Emisionin e plotë mund ta ndiqni në linkun e mëposhtëm.
