Kronikë

Operacioni me 37 të arrestuar/Kush është vlonjati,“koka” e grupit kriminal


Bëhu pjesë e Grupit Zyrtar të Opinion.al
>> KËTU <<
               Publikuar në : 15:07 - 30/06/20 |
Opi Nion

Të tjera detaje janë zbuluar në lidhje me aksionin përbashkët mes Italisë dhe Shqipërisë, ku u arrestuan 37 persona, 10  prej të cilëve ranë në pranga në Shqipëri.

Të arrestuarit akuzohen për trafik ndërkombëtar droge në kuadër të një grupi kriminal i cili vepronte prej vitit 2015.

Mësohet se grupi kriminal trafikonte drogë nga Vlora në drejtim të Barit në Itali. Ndërkohë, bëhet me dje se ky grup dyshohet se drejtohej nga Robert Muftari dhe Elton Hamza. Krahas të arrestuarve në operacionin mes dy shteteve u sekuestruan edhe 40 milionë euro drogë.

Operacioni ishte një bashkëpunim mes Anti- Mafias italiane dhe SPAK në Shqipëri bashkë me Policinë, duke krijuar një skuadër të përashkët për të goditur këtë grup kriminal.

Autoritetet italiane në bashkëpunim me ato shqiptare i kanë filluar hetimet që nga viti 2017, ku u sekuestruan 500 kilogram kanabis, e destinuar të shkonte në Greqi, ndërsa mjetin e transportit tip “Rulo” e drejtonte një shtetas italian.

Në atë operacion u arrestuan Vito Baruceli, 36 vjeç dhe shoqëruesja e tij Dominga Silvestri, të cilët mohuan të ishin të përfshirë në trafikimin e lëndëve narkotike.

Hetimet vazhduan për disa vite, deri sa më në fund autoritetet arritën të arrestonin 37 persona, si dhe të sekuestronin 3.5 ton lëndë narkotike./ Opinion.al

Pas