UNICEF thotë se gati 600 fëmijë janë vrarë ose plagosur në Liban që nga shpërthimi i luftës së fundit Izrael-Hezbollah më 2 mars.
Agjencia e OKB-së për fëmijët thotë se më shumë se 30 fëmijë u vranë dhe gati 150 të tjerë u plagosën nga vala e bombardimeve të kryera vetëm të mërkurën.
“E drejta ndërkombëtare humanitare është e qartë: civilët, përfshirë fëmijët, duhet të mbrohen në çdo kohë.”
Ndërkaq, Hezbollahu ka konfirmuar se ka nisur sulme këtë mëngjes ndaj objektivave izraelite.
Grupi militant tha se qëlloi me raketa vendbanimin kufitar izraelit Kiryat Shmona në përgjigje të “shkeljes së marrëveshjes së armëpushimit nga armiku”.
“Ky reagim do të vazhdojë derisa të ndalet agresioni izraelito-amerikan kundër vendit dhe popullit tonë”, thuhej në deklaratë.
