Bota

OBSH: Vaksinat kineze mbrojtje ndaj Omicron


Bëhu pjesë e Grupit Zyrtar të Opinion.al
>> KËTU <<
               Publikuar në : 21:40 - 05/01/22 |
Opi Nion

Vaksinat kundër Covid-19 të prodhuara nga kompanitë kineze Sinovac dhe Sinopharm mund të ofrojnë mbrojtje edhe ndaj variantit Omicron. Kjo u deklarua nga zyrtar i Organizatës Botërore të Shëndetësisë, Abdi Mahamud.

“Nga studimet e bëra në Kili dhe vende të tjera qoftë Sinovac apo Sinopharm, kanë treguar se ato vërtet funksionojnë kundër shtrimit të rëndë në spital dhe vdekjet. Pra, vaksinat kanë renditje të ndryshme për sa i përket parandalimit të infeksionit. Por ajo që dimë shumë mirë, deri tani, është që të gjithë e parandalojnë këtë. Parashikimi ynë është se mbrojtja kundër shtrimit të rëndë në spital dhe vdekjes nga Omicron qëndron”.

Sipas zyrtarit të OBSH, Omicron po prek traktin e sipërm respirator, duke shkaktuar simptoma më të buta se variantet e mëparshme që shkaktonin pneumoni të rëndë. Një tjetër tregues është diferenca, midis numrit të rasteve në rritje dhe shkallës së ulët të vdekjeve.

Mahamud paralajmëroi se Omicron do të bëhet një dominues brenda disa javësh në shumë vende për shkak të transmetueshmërisë së tij të lartë, duke paraqitur një kërcënim për sistemet mjekësore në vendet dhe rajonet ku një pjesë e lartë e popullsisë mbetet e pavaksinuar. Ndaj sipas tij mënyra më e mirë për të reduktuar ndikimin e variantit do të ishte përmbushja e qëllimit të OBSH-së për të vaksinuar 70% të popullsisë në çdo vend deri në Korrik të 2022, në vend që të ofrohen doza të treta dhe të katërta në disa vende. Nga Nëntori që u zbulua deri më tani, ky variant është përhapur në 128 shtete të botës./ Klan News

Pas