-Shëndeti

OBSH: Shtetet të përgatiten për koronavirusin


               Publikuar në : 15:00 - 01/02/20 |
el ida

Organizata Botërore e Shëndetësisë (OBSH) iu ka bërë thirrje qeverive në mbarë botën që të përgatiten për “shpërthime lokale” të koronavirusit të ri.

“Shtetet duhet të përgatiten për importimin e mundshëm, në mënyrë që të identifikojnë rastet sa më herët që është e mundur që të jenë të gatshme të kontrollojnë shpërthimet e virusit”, tha përfaqësuesi i OBSH-së, Gauden Galea.

Njoftimi i sotëm vjen pasi Kina raportoi se numri i viktimave nga virusi është rritur në 259 dhe rastet e konfirmuara me virusin e ri kanë kapur shifrën e frikshme prej 11,791 personash.

Më herët gjatë javës, OBSH-ja shpalli emergjencë botërore mbi koronavirusin e ri, duke shprehur shqetësimin se disa raste të raportuara jashtë Kinës me këtë virus, mund të paraqesin raste të transmetimit të virusit nga njeriu në njeri.

Të paktën 25 shtete kanë raportuar se kanë identifikuar raste të personave të prekur nga virusi i ri, ku kryesisht bëhet fjalë për persona që kanë udhëtuar nga Kina./Opinion.al

Pas