Organizata Botërore e Shëndetësisë shprehet se numri i personave të infektuar dhe i viktimave nga COVID-19 është duke u rritur përsëri.
Sipas OBSH, numri është rritur dhe për shkak të uljes së ritmit për procesit të vaksinimit dhe lehtësimi i masave anti-COVID.
Po ashtu, ky institucion thekson se përhapja e variantit Delta të këtij virusi është duke rritur ndjeshëm numrin e rasteve me COVID.
Numri i të vdekurve është rritur javën e kaluar, pas nëntë javëve të rënies, ka thënë OBSH. Kjo Organizatë ka regjistruar më shumë se 55,000 jetë të humbura në gjithë botën, çka përbën rritje prej 3 për qind nga java e kaluar.
Numri i të infektuarve është rritur për 10 për qind javën e kaluar, në gati 3 milionë. Numri më i madh është regjistruar në Brazil, Indi, Indonezi dhe Britani të Madhe.
OBSH-ja ka thënë se varianti Delta tani është identifikuar në 111 shtete dhe pritet të bëhet variant dominues në muajt në vazhdim.
