Bota

Obama fshikullon administratën e Trump për përgjigjen ndaj pandemisë


Bëhu pjesë e Grupit Zyrtar të Opinion.al
>> KËTU <<
               Publikuar në : 23:02 - 09/05/20 |
Al Do

Ish-Presidenti Barack Obama kritikoi ashpër përgjigjen e administratës Trump ndaj krizës së koronavirusit, duke e përshkruar atë si “një katastrofë kaotike” gjatë një telefonate private me njerëz që punuan për të në Shtëpinë e Bardhë gjatë administratës së tij.

Komentet janë konfirmuar për CNN nga tre ish zyrtarë të administratës së Obamës. Ato janë  vlerësimet më të forta nga ish-presidenti për mënyrën sesi Presidenti Donald Trump dhe ekipi i tij kanë trajtuar pandeminë vdekjeprurëse. Obama beson se demokratët duhet të mblidhen pas ish-Zëvendës Presidentit Joe Biden për të mposhtur Trump në nëntor.

Në një bisedë 30-minutëshe me anëtarët e Shoqatës së Alumniëve të Obamës, ish-presidenti tha se përgjigja ndaj shpërthimit të koronavirusit shërbeu si një kujtesë kritike se pse është e nevojshme udhëheqja e fortë e qeverisë gjatë një krize globale. Thirrja kishte për qëllim të inkurajojë ish-stafin e Obamës që të përfshihen më shumë në fushatën presidenciale të Bidenit.

“Zgjedhjet që po vijnë janë aq e rëndësishme sepse ajo që ne do të luftojmë nuk është vetëm një individ i veçantë ose një parti politike”, tha Obama.” Ajo që ne po luftojmë kundër janë tendencat e të qenit egoist, të qenit tribal, të ndahesh dhe të shohësh të tjerët si armik – që janë bërë një impuls i fortë në jetën amerikane “.

Komentet u raportuan së pari nga Yahoo News, i cili mori një regjistrim audio të telefonatës. Një zëdhënës i Obamës nuk pranoi të komentojë ose të shtjellojë fjalët e ish presidentit.

Obama ruajti kritikat e tij më të forta për trajtimin e krizës së koronavirusit nga administrata Trump dhe botëkuptimin e saj.

“Ësht pjesë e arsyes pse përgjigja ndaj kësaj krize globale ka qenë kaq anemike”, tha Obama. “Do të ishte keq edhe me qeveritë më të mira. Ka qenë një katastrofë kaotike absolute kur ai mentalitet, se “çfarë fitoj unë” dhe “nuk më intereson për të tjerët”, operacionalizohet në qeverinë tonë”

Ai shtoi: “Kjo është arsyeja pse, unë do të harxhoj sa më shumë kohë të nevojshme dhe të bëj fushata aq sa mundem për Joe Biden.”

Pasi miratoi zyrtarisht Biden muajin e kaluar, Obama tha se ai do të përfshihej thellësisht në fushatën për të ndihmuar Biden të fitojë Shtëpinë e Bardhë. Vërejtjet e tij të premten në mbrëmje ishin shembulli i fundit i kësaj përpjekje, duke i thënë grupit të Alumni-t të Obamës: “Unë shpresoj që të gjithë ju të ndjeheni të njëjtin sens urgjence si unë”. /Opinion.al

Pas