Që politika të ndryshon jetën, pasurinë dhe marrëdhëniet me njerëzit kjo është pak por e sigurt. Ama ka raste kur politika….edhe të zbukuron.
Kjo mund të thuhet për disa nga gratë e politikës shqiptare që e nisën karrierën me hire modeste, por diku nga mesi…. zbuluan që me investimin në vendin dhe shumën e duhur mund të konkurronin edhe bukurinë.
Pa dyshim që simboli i bukurisë femërore në politikë mbetet Arta Dade. Me hire që zoti ja ka falur pa kursim,”zysh Arta” njihet qysh herët për bukurinë e saj, qe dhe me kalimin e viteve nuk është zbehur. Sigurisht që ajo i kushton vëmendje maksimale sharmit të saj dhe kjo ka bërë që të jetë dhe model për shumë gra të tjera të politikës.
Padyshim jo për Jozefina Topallin, që me gjithë bukurinë natyrale ka treguar se nuk di të jetë e kujdesshme për t’i treguar hiret. Pakujdesia e saj shumë herë ka bërë që vëmendja e publikut të shpërqëndrohet nga ëmbëlsia që rrezaton një grua, tek karakteri i ashpër.
Absolutisht e kundërta ka ndodhur me kolegen e saj në PD. Ish ministrja e Integrimit Majlinda Bregu, hyri në politikë me një pamje krejt modeste. Por vitet e pushtetit të PD e shndërruan atë në një model për grate e tjera të politikës. Edhe pse me një stil paksa të tepruar në disa raste, veshjet dhe luku i saj kanë qenë padyshim nga më të mirët e viteve të fundit. Edhe opozita duket se ka qenë e mbarë për zonjën Bregu, disa ndërhyrje dhe ndopak botox ja kanë përmirësuar ndjeshëm pamjen, ku tashmë është vështirë të gjesh pamjen e intelektuales modeste që u afrua në PD në vitin 2005.
Dhe padyshim ajo që mban në shpine xhelozinë më të madhe për bukurine e saj mbetet Grida Duma. Ende në PD ka njerëz që e shohin si objekt të estetikës edhe pse ajo ka deklaruar dikur se bukuria vetëm i ka prishur punë. Zonja Duma nuk ka patur ndryshime të shpeshta në lukun e saj….e ndoshta nuk ka patur dhe nevojë.
Ka dhe rastet kur ndryshimet janë rrënjësore dhe këtë më së miri e personifikon ish drejtoresha e doganave, Elisa Spiropali. Nga një majtiste e thekur me prirje komuniste, një ditë të bukur, ajo u shfaq e transformuar, me veshje të shtrenjta luksi dhe me pamje të ndryshuar. Duke lenë vite drite larg vajzën me T-shirt me xhinse që u shndërrua në një grua me veshje për t’u patur zili.
Përmirësime të ndjeshme ka pësuar edhe një tjetër socialiste e re. Deputetja e Durrësit Esmeralda Shkjau i kushton mjaftueshëm rëndësi pamjes, aq sa nuk e kemi pare dy herë të veshur njësoj ndërkohë që krehja dhe grimi duket se i hanë dhe shumë kohe. Nuk mund të thuash të njëjtën gjë për Olta Xhaçkën, pamja e së cilës me gjithë përmirësime të vogla është ende larg kujdesit maksimal të disa prej kolegeve të saj.
Si përshembull, Jorida Tabakut që hyri në politikë me një luk të kuruar, për të cilin kujdeset për çdo ditë. Ndryshe nga kolegia Mesila Doda, që pamjes së një gruaje “të forte” i ka shtuar këto vitet e fundit dhe pak botox apo ndërhyrje që ndoshta dhe ja kanë përmirësuar pamjen. Dhe në fund, nuk mund të mos përmendim drejtoreshen e tatimeve, që sado të përpiqet, nuk mund t’i fshehë ç’ka natyra ja ka dhuruar me bujari. E ndoshta dhe shume kohë do të vazhdojë të “mbajë në kurriz” termin e bukuroshes.
Që për disa ka qenë dhuratë e natyrës, e për ca të tjera dhuratë e ndërhyrjeve. Operacione apo gjilpëra që kushtojnë, madje jo pak. Por sikundër politika nuk bëri askënd të varfër, nuk kishte si të mos “investonte” dhe për gratë që përveç zotësisë, duan të jene dhe të hijshme. Dhe kanë të drejtë të jenë!
