Aktualitet

Nxorri videon e nënës së 15-vjecarit, PD kërkon shkarkimin e Ardi Veliut


Bëhu pjesë e Grupit Zyrtar të Opinion.al
>> KËTU <<
               Publikuar në : 17:30 - 29/05/20 |
Opi Nion

Ditën e sotme Drejtori i Policisë Shtetit, Ardi Veliu, tentoi të justifikonte dhunën e efektivëve të policisë ndaj një 15-vjeçari, ngjarje e ndodhur pak ditë më parë.

Gjatë mbledhjes online të Komisionit të Sigurisë, Veliu publikoi një video ku e ëma e 15-vjeçarit të dhunuar shfaqet me pistoletë. Veliu nuk e shpjegoi lidhjen e videos me dhunimin e të miturit, ndërsa tha se “ja nga çfarë familje vjen djali”, duke justifikuar dhunën e policëve.

Pas videos reagoi mamaja e 15-vjeçarit, Zaida Çobo, e cila thotë se video është xhiruar gjatë filmit “Dashuria nuk mjafton”, ndërsa paralajmëroi se do të bëjë padi në prokurori për prishje imazhi ndaj Veliut.

Ndërkohë, lidhur më këtë çështje ka reaguar dhe Partia Demokratike. Nënkryetari i kësaj partie, Edi Paloka, përmes një postimi në ‘Facebook’ theksoi se ky veprim nga ana e Veliut ishte një skandal i dyfishtë, ndërsa shtoi se ai duhet të shkarkohet dhe të shkojë para drejtësisë.

REAGIMI I PALOKËS

SKANDAL i dyfishte!
Ardi Veliu duhet shkarkuar menjehere dhe duhet te dale perpara drejtesise!
Gjate mbledhjes se Komisionit te Sigurise , Drejtori i Pergjithshem i Policise Ardi Veliu, duke dashur te justifikoje dhunen e policise ndaj nje 15 vjecari, ka nxjerre nje video te nenes se djalit ku ajo duket me nje pistolete ne dore. “Ja nga cfare familje vjen djali”-ka thene Veliu duke dashur te justifikoje me kete “argument” dhunen.
Rezulton se nena e djalit 15 vjecar eshte aktore dhe pamjet qe ka paraqitur Ardi Veliu jane pjese te nje filmi artistik…!
Justifikimi i dhunes do te ishte i denueshem edhe sikur pamjet te ishin reale , po ja qe Drejtori i Pergjithshem i Policise jo vetem justifikon dhunen e policise ndaj nje te mituri po per kete edhe mashtron .
Keto metoda te Sigurimit te Shtetit , Veliu nuk i ka per here te pare, kujtoni deshmitarin e rreme Fredi Alizoti…!
Prandaj kemi kete polici se drejtohet nga qenie si ky e si Lleshi i Rames!/ Opinion.al

Pas