Gjyqtari i GJKKO, Erjon Bani tha se të gjithë gjyqtarët e këtij institucioni, por edhe familjarët e tyre mund të përgjohen në kohë reale.
Ai u shpreh se integriteti i çdo gjyqtari është prezumuar dhe kush ka indicie duhet t’i adresojë në organet kompetente.
Gjyqtari Bani sqaroi se përzgjedhje dhe filtri që kalojnë gjyqtarët e GJKKO nuk i bëhet asnjë gjyqtari të asnjë gjykate tjetër.
“Lidhur me integritetin si GJKKO dhe SPAK dhe BKH janë institucione më të monitoruara, për shkak të ligjit. Jo vetëm gjyqtarët, por edhe familjarët i nënshtrohen kontrollit periodik të pasurisë, monitorimit nga drejtoria e Përgjithshme e Parandalimit të Pastrimit të Parave, dhe mund të përgjohen në kohë reale të gjitha komunikimet, të gjitha mesazhet.
Sa i takon integritetit, duhet të theksojmë një fakt që parimet ndërkombëtare dhe jurisprudenca e Strasburgut kanë një parim të rëndësishëm që prezumohet integriteti, besueshmëria e gjyqtarëve në momentin që janë emëruar. Kjo gjë prezumohet. Kush ka indicie në lidhje me integritetin duhet ti adresojë në organet kompetente. Nuk mund të behët gjyqi i gjyqtarit. Gjyqin e gjyqtarit e bën vetëm një gjykatë më e lartë. Këto janë parimet që duhet të kuptohet kjo.
Sa i takon kritereve që të bëhesh pjese e GJKKO ka një kontroll të posaçëm në organet e vettingut. Vettingu ishte më i thellë, dhe qëllimi ishte për të kthyer besimin e qytetarëve në sistemin e drejtësisë. Në momentin kur kalojmë këtë filtër ndryshe nga gjyqtarët e tjerë.
Integriteti këtu është prezumuar, kush ka dyshime ti adresojë në organet kompetente.
Vettingu që iu është bërë gjyqtarëve të GJKKO nuk i është bërë asnjë gjyqtari.
Është kontrolluar, pasuri, integriteti dhe pasuria, por është kontrolluar integriteti i familjarëve të tyre në rreth shumë të gjerë”,-tha Bani.
