Vijojnë kontrollet e autoriteteve për respektimin e masave antCOVID. Policia e Shtetit ka njoftuar se në 24 orët e fundit janë gjobitur 361 qytetarë, pasi janë konstatuar pa maskat mbrojtëse.
Po ashtu, gjatë kontrolleve janë shoqëruar në ambientet e Policisë në të gjithë vendin, 6 shtetas që nuk kanë pranuar t’i tregojnë punonjësve të Policisë dokumentin e identifikimit. Pasi janë identifikuar ata janë ndëshkuar me gjobë 3.000 lekë dhe më pas janë lënë të lirë.
Në kuadër të masave anti-Covid, policia iu bën apel të gjithë qytetarëve që të zbatojnë me rigorozitet masat, për të parandaluar përhapjen e infeksionit./Opinion.al
